Esti domingu, voi a misa...
...N´ASTURIANU, COMO DIOS MANDA
Esti domingu, a partires de les 12 de la mañana, TPA (Too por Areces) tresmite la misa n´asturianu dende San Pedrín de la Cueva (Sariegu). La misa será oficiada pol párrocu de Nuesa Señora de la Mercé d´Uviéu, Xosé Manuel García de Xesús, presidente del coleutivu Manuel Fernández de Castro. Demientres l´actu eucarísticu el Coru Santiaguín interpretará dellos cantares de temática relixosa.
Taría bien, si nun tienen pensáu poner a un comentarista que fale asturianu, que´l periodista encargáu de la tresmisión (baxa´l santu, misa y deporte tradicional) nun frañe cola emisión n´asturianu interrumpiendo la misa (con rotulos de "direuto" y "Sariegu" en pantalla) pa falar castellán, como pasó l´añu pasáu.
P.D; Dempués d´espublizar el post, dime cuenta qu´en realidá yá foi esti domingu y nun ye´l que bien. Esti añu quédome ensin dir a misa...
Esbilla
del.icio.us
18 d´ochobre:
¡¡¡TOOS CON DIXEBRA!!!
Vilo ayeri, y como l'añu pasáu la misa n'asturianu pero'l presentador y el comentarista falando en castellanu dafechu.
La diglosia foi tovía más gorda na esibición de deportes tradicionales de depués, onde tolos entrevistaos y invitaos falaben n'asturianu, pero non los dos presentadores y entrevistadores, que nun teníen problema en camudar "h.achu" por "hacho" o "llecheres" por "lecheras" cuando falaben cola xente. Pa más inri, a un entrevistáu de nome Xuacu, el presentador llamábalu "Juaco" una y otra vegada por más que lu correyía'l paisanu.
Como observador avezáu al asturianu na televisión pública, considero qu'estes muestres de diglosia nel requexín de programación n'asturianu teníen que tar iguaes dende hai tiempu yá, pero talamente paez que nun hai voluntá dala.
Alborecer | 18-08-2008 - 17:18:08 GMT 2 #
Yá puen vese en YeTube dellos videos de la emisión d'esti añu, con presentador en castellán. Por cierto, el programa nun lu rotularon "Misa n'asturianu", sinón "Misa asturiana" (¿?).
YeTube | 19-08-2008 - 14:50:04 GMT 2 #