el trAsgU d´aRecEs

Esta ye la historia d´un grupu xixonés de punk-rock con lletres direutes y agresives que furruló a entamos de la década de los 90. El grupu namás que grabó una maqueta con cuatro temes, ún d´ellos nomáu “Alarcos cabrón”, pero llegaron a dar delles actuaciones, inclús nel mesmu “Conciertu pola Oficialidá”.

Los sos componentes taben averaos al nacionalismu d´esquierdes y la música yera una mena de trasmitir les sos idees. Asina que cuatro mozos montaron “Puxarra” y entamaron a ensayar nel local del Cuartel de Cotu, que daquella taba ocupáu.

Los cuatro mozos yeren Miguel Rodríguez a la guitarra, Xurde Nel Pérez al baxu, Marcos Gutierrez a la batería y Ramón Lluis Bande como voz. El pasáu siempre torna.