Alministra'l to Blog

¡Crea'l to Blog yá! Fácil y de baldre

el trAsgU d´aRecEs

19/10/2008 GMT 2

Ehí va la despedida

damian @ 18:13

Esta ye la penúltima entrada d´esta páxina. Ayeri fizo trés años qu´escribí la primer entrada del primer blogue y que meyor que finar xusto agora. Nun tengo muncho tiempu últimamente pal escribir y, amás, el trasgu d´Areces ta volviéndose demasiáu friki por mor de la mio participación n´Aruelu.com, agora pongo toles noticies ellí y esta páxina ensin noticies nun ye lo que yera. Llevaba varies selmanes camentando en dexar el blogue, pero quería esperar pa poder cuntar que Dixebra quedaron segundos nun festival de la canción européu y que Xune pidió la oficialidá ente cientos de millones d´oyentes de toa Europa. Asina qu´eso, lleemos n´Aruelu y vémonos na prósima mani de la oficialidá, que quiciabes tamién seya la penúltima.

Comentarios

Comentarios(13) »

  1. El casu ye siguir puxando polo nuestro ellí onde teas. Un saludín y, más qu'un adiós, un ta llueu.

    El xanu\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ | 19-10-2008 - 19:16:17 GMT 2 #

  2. Venga hom, Trasgu, nun h.odas... como va desapaecer "El trasgu d´Areces"... Ta bien que'l blogue yá nun tea tan activu como antaño y qu'agora teas más enfotáu n'otres coses, ye normal. Tol mio ánimu nelles.

    Agora... esto nun se dexa, dígotelo yo. De vez en cuando vas necesitar dicir dalgo y dalgún equí al otru llau va necesitar sentítelo dicir.

    Vémonos per equí esi día :)

    VeritasEtSeveritas | 19-10-2008 - 20:00:11 GMT 2 #

  3. Vaya por dios... una mala noticia. Espero que faigas casu a VeritasEtSeveritas y nun mates lo que ya ye un blog míticu y de cultu dientro d'esti movimientu. Fai poco, entereme del rumor d'otru abandonu d'otru gran blogue. Voi dicite lo mesmo que-y dixe a él. Mira el blogue Lux Omnia Vincit. Ye un sitiu que actualiza una vez cada dos meses, pero ye un blogue vivu y un de los más vieyos qu'hai. ¿Qué ye una entrada cada dos o tres meses?, eso nun supón nengún trabayu nin sacrificiu y con eso sigues dando-y vida a esti sitiu que ye una parte de tí, una parte del asturianismu y una parte perimportante de la hestoria de la blogosfera n'asturianu.

    Piensalo...

    TrayasgayA | 19-10-2008 - 23:27:12 GMT 2 #

  4. Toi colos anteriores. Que seya un TaLlueu y non un adiós.

    Gracies y salú.

    Ateyavana | 20-10-2008 - 09:29:40 GMT 2 #

  5. Gracies a tolos poles vueses pallabres. Home, igual dalguna vegada picame escribayar daqué... El prósimu post con llingua asturiana oficial???

    trasgu | 20-10-2008 - 13:27:46 GMT 2 #

  6. Salú Trasgu, lleemonos n'Aruelu...

    ¿El fin d'una "dómina" (curtia) de blogueros?

    Vity | 20-10-2008 - 14:07:46 GMT 2 #

  7. Home, espero que seya namás que un paronín, cuido que un blogue nun tien porque tener actualización diaria (digolo yo que soi mui vagu) por eso nun pienso quitar el to RSS del mio amestador...

    Dangerous Piper | 20-10-2008 - 21:39:22 GMT 2 #

  8. Los lliberales nun piensen despedise, yo que quería facer les paces...

    trasgu | 21-10-2008 - 16:21:42 GMT 2 #

  9. Un abrazu mui fuerte, Trasgu, decanu de los blogs astures. Naguaremos pola bona noticia que te faiga volver ;)

    Laura | 21-10-2008 - 16:45:52 GMT 2 #

  10. Seique un Trasgu nunca nun dexa la familia a la que ta venceyáu... vémonos per Aruelu o per equí!. Los trasgos saben meyor que naide que'l tiempu nun mide lo que dalgunos anecien en decinos que mide. A los trasgos nun-yos come l'afoguín d'eso que llamen "actualidá", nin la necesidá (?) de facer una trastada diaria pa seguir siendo lo que son. Fai-yos casu a los collacios y munchu ánimu pa seguir trabayando!.

    Xosepin | 22-10-2008 - 10:24:47 GMT 2 #

  11. Facía tiempu que nun tenía tiempu y enteréme l'otru día del to pieslle. Como dicen los compañeros, espero que seya un hasta llueu. Esti yera ún de los sitios de pasu obligáu pa min asina que voi echalu de menos. Yá sabes, compañeru, onde ta la blogsfera por si te da por tornar a la reciella ;) Un saludu y que te vaya bien, Damián (pa cualquier cosa que te puea ayudar no que seya yá sabes onde llocalizame).

    Ricardo | 22-10-2008 - 11:14:16 GMT 2 #

  12. NOOOOON please don't go LEAVE TRASGU ALONE!!
    http://blogs.altuxa.com/gyg/vity-trasgu-please-dont-go.html

    Dangerous Piper | 29-10-2008 - 13:24:47 GMT 2 #

  13. Pos nada nin. Espero que sía un hasta llueo, ya que retorne dalgún día El Trasgu.

    Un abrazu

    Diestru | 05-11-2008 - 12:36:46 GMT 2 #

Dexar un comentariu


<a href> <em> <blockquote> <strong> <cite> <code> <ul> <li> <dl> <dt> <dd>

Archivu | ¡Crea'l to Blog yá! Fácil y de baldre