Por facer que sienta esti país como lo que ye, un país
Gracies polo d´ayeri, un suañu, gracies.

Comments

Esta ye la penúltima entrada d´esta páxina. Ayeri fizo trés años qu´escribí la primer entrada del primer blogue y que meyor que finar xusto agora. Nun tengo muncho tiempu últimamente pal escribir y, amás, el trasgu d´Areces ta volviéndose demasiáu friki por mor de la mio participación n´Aruelu.com, agora pongo toles noticies ellí y esta páxina ensin noticies nun ye lo que yera. Llevaba varies selmanes camentando en dexar el blogue, pero quería esperar pa poder cuntar que Dixebra quedaron segundos nun festival de la canción européu y que Xune pidió la oficialidá ente cientos de millones d´oyentes de toa Europa. Asina qu´eso, lleemos n´Aruelu y vémonos na prósima mani de la oficialidá, que quiciabes tamién seya la penúltima.

Comments

"Hosannah in Excelsis" de Jacques Culioli

1. Jacques Culioli, Córcega, 80 puntos
2. Dixebra, Asturies, 73 puntos
3. Elin Kåven, Sami (Lapónia), 73 puntos
4. Mordens, Moldavos de Rusia, 56 puntos
5. Carnicats, Friul, 56 puntos
6. Jelte Posthumus & Pilatus Pas, Frisia, 54 puntos
7. Gwennyn, Breizh (Bretaña), 54 puntos
8. Surunmaa, Meänkieli / Tornedalsfinska (Finlandés del Valle del Torne, en Suecia), 51 puntos
9. Spasulati, Arbëreshë (pueblu de llingua albanesa que vive na Italia meridional), 51 puntos
10. Boy Elliott & the Plastic Bags, Galiza, 46 puntos
11. Yr Anioddeffol, Cymru (Gales), 44 puntos

Los ganadores corsos nos dieron los sos 12 puntos.

Los votos d´Asturies foron:
7 a los albano-italianos Spasulati
8 pa los friones Carnicats
10 pal corsu Culioli
12 pa la samí Elin Kåven

Comments

21.15: Los corsos ganen el festival, Dixebra segundos. Un día pa nun escaecer.

21.10: Beatriz Viado da los puntos d´Asturies: 7 a los Spasulati, 8 pa los Carnicats, 10 pa Culioli (foi lo mesmo qu´Eurovision 79) y 12 pa Elin Kåven.

21.07: Xube´l xuráu al escenariu a dar los sos votos. Entamen los gallegos, nun mos dan nada (¡nun gustamos!). Siguen votando los otros países, caún na so llingua, nun entiendo nada, s´entiende daqué asemeyáu a Dixebra cuando dan los 10 y los 12 puntos munches vegaes. En Radio Sele (norabona, sois grandes) falen de que van los primeros.

21.05: Jacques Culioli lleva´l premiu del públicu, la so campaña fizo efecto.

20.45: Na Radio Galega, con conexones en direuto, falen del públicu asturianu. Que yeren 4 pero tol momentu de pie y glayando. Destaquen la puesta en escena de los “Mordens” y d´Elin Kåven.

20.40: NIREBLOG.COM DEXA DE FURRULAR, ASINA QUE CRONOLOXÍA CON RETRASU

20.30; El públicu asturianu del festival faese notar, dempués de l´actuación de Dixebra pónense a cantar l´Asturies Patria Querida y tres el resume de cantares, sal el presentador y entruga; ¿tenéis favorita?, una parte del pública glaya ¡Dixebra, dixebra, dixebra!
20.20; Xune fina´l cantar pidiendo OFICIALIDÁ ente una audiencia de más de 100 millones d´oyentes.

19.40: Montonera d´aplausos al corsu, a los movíos albano-italianos y agora llegan los anfitriones (Elin Kåven, especialista en danza del vientre lapona).

19.30: Na Radio Galega falen de que 600 siguidores del corsu tienen un grupu de facebook pa votar en masa.

19.10: Primera actuación, abren el festival los gallegos. La presentadora presenta´l grupu y fala de la llingua, entrevista n´inglés al cantante, dempués torna al idioma local y actuación en direutu.

19.00: Entama´l Liet-Lavlut. La televisión frisia nun emite´l festival. El presentador entama la gala entregando ¿Cuántos de vosotros faláis llingües minoritaries?.

18.30; Entama l´especial de Radio Galega Música con munchos más medios que Radio Sele (¡¡¡llicencia yá!!!), conexones en direuto dende Lulea, entrevistes a anteriores xuraos y representantes gallegos. Falen del posible "votu políticu", qu´a ver si como n´Eurovisión los votos van pa los vecinos y "mos voten los asturianos". Dicen que´l xuráu va tener en cuenta la puesta en escena (qu´atención pa la sami Elin Kåven) y que tiren muncho pa la tradición. Como los comentaristes de Radio Sele, tán convencios de que los de so van ganar y Boy Elliott and The Plastic Bags son los meyores.

18.00: Entama l´especial de Radio Sele, con comite d´espertos y too, mui a lo gala pre-Eurovisión. Radio Galega Música (emisión pública gallega qu´emite en dixital) tamién emite´l festival, tovía nun entamó´l so especial.

15.00; Fina´l TPA-Noticias ensin dicir un res de l´actuación d´un grupu asturianu, nel nuesu idioma y énte millones d´espectadores de tol mundu

14.20: Les Noticies dixital fala de la bona acoyida del cantar asturianu. La so direutora, Beatriz Viado, representante asturiana del xuráu, diz que los suecos la ponen como favorita, inclús ta sonando na radio sueca. Mientres, el diariu dixital gallegu Vieiros fala de la bona amistá surdida ente la so delegación y l´asturiana.

Comments

Los ganadores foron los propios sámis, con Johan Kitti y Ellen Sara Bähr y el cantar "Lundiin Moitalan".

El segundu clasificáu foi'l gallegu Narf col cantar "Santiago"

Y los terceros foron los debutantes romanis Karavan

El ganador del Liet-Lavlut lleva un premiu en metálicu y ufre una actuación nun festival de la ciudá d´Udine (Friúl).

Comments

Presta ver la nuesa bandera nel cartelu del festival. Y coses que tien el gobiernu del Principáu, la so televisión gubernamental nun emite la gala (como fai col premiu al meyor cantar n´asturianu qu´empobina la propia alministración), nin fai un especial, como la mayoría de tv de les comunidaes llingüístiques participantes, pero si sal como collaborador nel programa del Liet-Lavlut (xunto´l selmanariu “Les Noticies”, la so directora, Beatriz Viado, ye la xuráu que representa Asturies). Como facer que faes ensin facer. Lo que si faen ye mandar u corresponsal a Méxicu pa falar demientres tola selmana de que´l Cnetru Asturianu d ellí cumple 50 años, amás d´emitir los actos el domingu en directo (asina gasten el presupuestu na RTPA). Esperemos qu´Ámbitu dedique un especial de “Pieces” a falar del Liet-Lavlut. Según “Les Noticies”, la TPA va facer un siguimientu del festival nos informativos del sábadu y, según diz, “n´espacios concretos sobre´l tema”.

Podéis siguir el festival n´asturianu al traviés del siguimientu especial de Radio Sele

Velo en direuto poniendo mms://mms.omropfryslan.nl/tv nel Real Player, Winamp o Windows Media Player

O sentilo al traviés de la radio pública sueca y la samí na web del festival

Comments

El grupu friulanu (país del norte del Estáu italianu) Carnicats son un de los grupos, que xunto al rock de Dixebra y los albano-italianos Spasulati, faen col so hip-hop una de les ediciones más cañeres d´esti Liet-Lavlut. Nesti vidiu aprovechen pa pedirnos el votu. Amás, de pasu, vemos como ye´l teatru onde va celebrase´l festival, el “ Kulturens Hus”.

Comments

Cuando los de Dixebra lleguen a Luleå, ciudá que va agospiar el Liet Lavlut, van topase con una ciudá asitiada nel Golfu de Botnia con 75.000 habitantes y capital del condáu de Norrbotten. La ciudá foi fundada orixinalmente en 1621 pol rei Gustavu Dolfu de Suecia en Gammelstad, pero en 1649 foi treslladada. El so puertu tien una actividá perimportante d´esportación de fierro y la Ilesia de Gammelstad foi declarada patrimoniu de la humanidá en 1996.

El vienres Dixebra realizará un ensayu y prueba de soníu nel propiu escenariu del festival, dempués de presentase oficialmente a los medios de comunicación locales. Más tarde habrá un conciertu públicu onde tocaran en direuto los particpantes del Liet Lavlut. Llueu, tendrán una cena na que tarán tolos participantes que compiten nel festival.

Comments

15 d´ochobre: Xornada bloguera mundial contra la probeza

Comments

Comments

L´argumentu de la serie orixinal (1983) entama con un planeta enteru emocionáu cola llegada d´enormes naves espaciales a les principales ciudaes del mundu. Los visitantes tienen apariencia humana y paez que vienen d´un xeitu amistosu y pacíficu, dicen que necesiten sofitu pa llograr solucionar los problemes medioambientales del so planeta y a cambiu ufren avances tecnolóxicos y la vacuna contra´l cancer. Los gobiernos del mundu acepten y los extraterrestres algamen poder ya influencia, pero entamen a pasar coses rares como qu´importantes científicos del mundu vuélvense zurdos cuando tola vida foron diestros.

El creador de la serie, Kenneth Johnson, reveló que la serie foi concebida orixinalmente como un programa relacionada col ascensu al poder d´un rexime nazi nos EEXX, pero l´ésitu de “La Guerra de les Galaxies” fizo que la NBC quixera esplotar el xéneru y Johnson camudó´l guión pa incluyir extraterrestres. L´emblema de los visitantes ye similar a esvástica nazi y el personaxe de Dina podría ser el real Dr. Josef Rudolf Mengele, conocíu polos sos experimentos con seres humanos en Auschwitz.

Comments

LA OPRESIÓN VA CONTRA LA CULTURA

Comments

Comments

Miraxes (programa cultural al xeitu de "Pieces")

Luar (programa de variedaes que llidera en Galiza´l share del vienres pela nueche dende fai más de 10 años)

Comments

La participación de Dixebra nel Liet-Lavlut traerá la primer participación de la nuesa llingua nun festival de la canción européu, pero nun será la primer participación d´un asturianu/a. Nel 2006 Asturies tuvo representada n´Eurovisión pola mierense Jenny, anque por Andorra y en catalán. L´asturiana namás que llevaba un añu n´Andorra y tuvo qu´deprender catalán apriesa y corriendo pa interpretar en Grecia “Sense tu”, una balada onde la cantante fala de que nun tien razón pa vivir ensin el so amor y diz que anguaño ta al final del camín.

Pero la primer participación asturiana n´Eurovisión entamó y acabó mal. Dende qu´entamara la participación andorrana en 2004, foi la primer vez que la televisión nacional andorrana escoyía´l so representante de forma interna, lo que-y valió critiques, sobre too porque nel xuráu d´Eurovisión-Andorra taba´l propiu compositor de “Sense tu”. Por riba, a la probe, na so actuación nel festival vistiéronla de llutu rodeada de baillarines en bragues, que nun pegaba muncho (y menos mal, porque nun entamu ella tamién diba salir en bragues). Total, de 23 países Jenny quedó la última con 8 puntos, la peor participación d´Andorra n´Eurovisión y la Jenny de Mieres volvió a poner copes y namás se supo d´ella. Y coses que tien Eurovisión, qu´al añu siguiente un cantar perasemeyáu (baladina de que mal toi ensin ti) va y gana, un país del esti, home caro.

Comments

Galés (S4C/BBC-Cymru)

Gaélico-irlandés (TG4)

Euskara (ETB 1)

Occitanu(Barcelona TV)

Xente preparao pa facelo n´asturianu hai

Comments

Vota por Dixebra (o por quien te pete) equí

Amás de versiones, yá tenemos hasta remixes

Comments

Jesús de Manuel es un don nadie que salió en la cuarta edición del concurso musical ‘Operación Triunfo’, y que ahora con la crisis, ha debido de mandar a su novia a Interviú para que enseñe las tetas –o ‘les tetes’, como dirían los catetos de Asturias- y puedan llevarse una cucharada de potaje a la boca.

Hoy, 19 de septiembre, nos ha dejado más boquiabiertos con su pechonalidad que si nos hubiese informado de una calcinación en vida de un grupo de sudamericanos en alguna carroza del desfile del Día de América en la provinciana ciudad de Oviedo, quemados por error al confundir la celebración asturiana con la festividad de las fallas de Valencia.

Las referencias más reseñables de este chico es que es muy amigo de Enrique y Julio José Iglesias y que le encantan los pimientos rojos rellenos de fabada asturiana, un cateto plato muy típico en Asturias con el que la gente expulsa muchos gases que agujerean la capa de ozono.

Melendi, el cantante procedente de un barrio bajo de la rural Asturias, vuelve a asomarse por la prensa social después de haber provocado hace siete meses un altercado en un vuelo de la compañía Iberia.

En Gran Hermano entra lo mejor de cada casa, y de Asturias sale lo más representativo de España. Si ayer hablábamos de Sandra Castro, hoy es el turno del “cantante” Melendi.

Sandra Crespo, la asturiana que entró a la sexta edición de Gran Hermano haciendo el cateto de una manera un tanto artificial, ha sido elegida por los lectores de la revista Interviú como la “gran hermana” más sexy de las quince que han posado hasta el momento para la revista.

Comments

Trés militantes d´AMI tendrán que declaran el día 29 nel xulgáu de Vigo como imputaos de dos presuntos delitos, un "contra llibertaes fundamentales" y otro de "amenaces y coacciones", por esti curtiu de dibuxos animaos. La citación responde a una denuncia del grupu españolista "Galicia Bilingüe". Los trés implicaos podrán enfrentase a una pena d´hasta cinco años.

Galicia Bilingüe

Comments

22/09/2008 CARLOS MIER
Asturianos en Laponia. Ese podría ser perfectamente el título del nuevo disco que el grupo Dixebra, --con el incombustible Xune a la cabeza-- va a comenzar a perfilar a su regreso de las tierras europeas más septentrionales. Y es que la banda en asturiano más internacional ha sido convidada por la Laponia sueca para participar en el prestigioso Liet Lavlut, un festival de la canción en lenguas minoritarias que se celebrará en Suecia el próximo 18 de octubre y que está promovido por organismos públicos como el Consejo Europeo.

Xune Elipe, vocalista y líder del grupo, se mostraba muy contento por la llamada al término del concierto que Dixebra ofreció en La Felguera el pasado sábado y que ponía punto y final a su gira veraniega. Elipe aseguró, asimismo, que a la vuelta, él y su grupo se "encerrarán en el local" para preparar un nuevo disco que esperan que vea la luz en la primavera de 2009.

La canción escogida para participar en el festival es Indios , un tema de su disco Dieron en duru y al que Elipe tiene especial cariño. Además, en su último concierto debutó el nuevo gaitero de la banda, Llorián García, un gijonés de 21 años que viene a sustituir a Fernando Rubio, un cambio que Xune Elipe ve positivo "por la importancia de ir incorporando savia nueva a la banda". Y es que ya son 21 los años que Dixebra lleva transitando por escenarios de toda Asturias, España e incluso, como en este ocasión, el mundo, sin perder ni un ápice de su energía e ímpetu iniciales.
LA VOZ DE ASTURIAS (22/9/2008)

Comments